Frétt

09.01.2015 13:22

Vegleg gjöf afhent Kirkjuhvoli

Þann 8. janúar 2015 var Kirkjuhvoli afhent vegleg peningagjöf kr. 714.966, úr Minningarsjóði Guðrúnar á Lágafelli og skal upphæðin notuð til afþreyingar og aukinna þæginda og lífsgæða fyrir vistmenn. Sjóður þessi var stofnaður á útfarardegi Guðrúnar á Lágafelli í A-Landeyjum þann 29. september 1945. Guðrún Aradóttir formaður sjóðsins afhenti gjöfina, þakkir fluttu þau Sólveig Eysteinsdóttir hjúkrunarforstjóri og Ísólfur Gylfi Pálmason sveitarstjóri en sveitarstjórnin gerði hlé á yfirstandandi sveitarstjórnarfundi til að vera viðstödd. Í lok þessarar góðu samverustundar spilaði Elvar í Vatnsdal nokkur gömul og góð lög á harmoniku.                     

 Með bestu kveðju og kæru þakklæti frá Kirkjuhvoli

 


Til baka